Облыстың мәдени өмірі

  • 29-01-0.jpg
  • 30-01-0.jpg
  • 30-01-1.jpg
  • 30-01-2.jpg
  • 2016-12-05-1.JPG
  • 2016-12-05-3.jpg
  • 2016-12-29-002.JPG
  • 2016-12-29-003.JPG
  • 2017-05-26-002.JPG
  • 2017-05-26-003.JPG
  • 2017-05-26-004.JPG
  • 2017-05-26-005.JPG
  • 2017-05-26-006.JPG
  • 2017-05-26-007.JPG
  • 2017-05-26-008.JPG
  • 2017-05-26-009.JPG
  • 2018-01-09-001.JPG
  • 2018-01-09-002.JPG
  • 2018-01-09-003.JPG
  • 2018-01-09-004.JPG

07.06. 2016

Қазақстанның Халық артисі, күй анасы Дина Нұрпейісова мен күйші-композитор Сейтек Оразалыұлының 155 жылдығына арналған «Күй мұра» дөңгелек үстелінің ақпараты

 

Облыстық мәдениет, архивтер және құжаттама басқармасының басшылығымен, облыстық халық шығармашылығы орталығының ұйымдастыруымен Қадыр Мырза Әлі атындағы мәдениет және өнер орталығында Қазақстанның Халық артисі, күй анасы Дина Нұрпейісова мен күйші-композитор Сейтек Оразалыұлының 155 жылдығына арналған «Күй мұра» дөңгелек үстелі өтті.

Дөңгелек үстелді жүргізу барысында облыстық халық шығармашылығы орталығы директоры М.Қамбетов жүргізіп, Батыс Қазақстан облысындағы күй өнерінің дамуы туралы шолу жасады. 

Дөңгелек үстелге арнайы қатысқан Батыс Қазақстан облысы әкімі А.С.Көлгінов күй өнері, оның құдіреті, рухани қазынаның насихатталуы туралы айта келіп, Астана мен Алматы қалаларынан келген күй майталмандары Қазақ Ұлттық Өнер университетінің профессоры, ҚР еңбек сіңірген қайраткері, күйші Айтжан Тоқтаған, Құрманғазы атындағы Мемлекеттік халық аспаптар оркестрінің директоры, күйші Нұрғиса Дәуешов, ҚР еңбек сіңірген қайраткері, Қазақ Ұлттық Өнер университетінің профессоры, күйші Дүйсен Орынбайға күй мерекесіне атсалысқандары үшін алғысын білдірді және «Күй құдіреті» республикалық байқауы үміткерлеріне сәттілік тіледі. 

Дөңгелек үстелге қатысушылар қазіргі күй өнерінің дамуы мен түйінді мәселелері туралы пікір алмасты.

Шараға ҚР еңбек сіңірген қайраткері, Қазақ Ұлттық Өнер университетінің профессоры, күйші Дүйсен Орынбай Кәріғұлұлы, ҚР еңбек сіңірген қайраткері, Қазақ Ұлттық Өнер университетінің профессоры, күйші Тоқтаған Айтжан Есенұлы, Құрманғазы атындағы Мемлекеттік халық аспаптар оркестрінің директоры, күйші, республикалық, халықаралық домбырашылар байқауларының лауреаты Дәуешов Нұрғиса Мұратұлы және өңірімізге белгілі күйшілер, зиялы қауым өкілдері, күй байқауының үміткерлері, домбырашылар қатысты.

 

 

 

ДӨҢГЕЛЕК ҮСТЕЛДЕ АЙТЫЛҒАН ПІКІРЛЕР

 «Қазақ күй өнерінің, күйшілік өнерінің дамуы барысындағы жаңалықтар, жағдаяттары» туралы ҚР еңбек сіңірген қайраткері, Қазақ Ұлттық Өнер университетінің профессоры, күйші Айтжан Тоқтаған өз ойын көпшілікпен бөлісе отырып, күйді жеке орындау және сол күйдің тарихын экраннан беру жайында пікірін білдірді.

Қазақ Ұлттық Өнер университетінің профессоры, күйші Дүйсен Орынбай «Қазыналы мұраның насихатталуы, кейінгі ұрпаққа жеткізілуі» тақырыбын талқылады. 

М.Өтемісов атындағы БҚМУ-дың «Мәдениет және өнер» факультетінің деканы Мейрам Исатаев қазіргі таңда бітіруші түлектердің барлығының да жұмысқа орналасқанын тілге тиек етіп, олардың әлеуметтік жағдайларын қарастыру қажет екендігін баяндады. 

Сондай-ақ ҚР еңбек сіңірген қайраткері, Ғ.Құрманғалиев атындағы облыстық филармонияның Дәулеткерей атындағы ұлт-аспаптар оркестрінің дирижері Қырымгерей Қажымұлы Ақжайық өңірінде екі данышпан атындағы күй сайысының оздырылуы күй өнеріне қосылған үлкен үлес екендігін мақтанышпен көрсете келе, күйшілікті ерте бастан үйренуді де, үйретуді де қолға алу керектігіне баса көңіл бөлді. 

Өңірімізге танымал күйші, «Үкілі домбыра» республикалық байқауының жеңімпазы Едіге Набиев Дина күйшінің өмірбаяндық деректерін, соның ішінде «Шәрипа» күйінің шығу тарихын айтып, жас күйшілерге әрбір күйдің тарихына баса назар аударуды, күй авторларын дұрыс танып-білуге кеңес берді. 

 Облыс орталығындағы №3 балалар саз мектебінің директоры Тұяқов Мереке облыстағы саз мектебінің жай-күйіне назар аудартып, күй отаны Жайық елінде облыстық дәрежесі бар «Күй мектебін» ашуды ұсынды.

 Күй жанашыры, жасы сексенді еңселеп қалған Мәтжанов Жүсіп ақсақал күй өнерінің насихатталып отырғанына қуанышын білдіріп, осындай өнер додаларының көбірек ұйымдастырылса деген тілегін жеткізді. 

Күйші, жас шәкірттер тәрбиелеп келе жатырған ұстаз Асқар Кенжеғалиев қазақтың киелі аспабы домбыра жайында келелі ойларын, оны патенттеуді, Оралда үлкен домбыра академиясын қалыптастыруды жеткізді. 

Сонымен қатар осы өнерге еңбегі сіңген күйшілерді марапаттау үшін Құрманғазы, Дина медальдарын шығару, туған жерінде кесенесі мен домбыра мүсінін тұрғызу, түйіндей келгенде алдағы уақытта Орал жерінің күйдің орталығына айналуын қалаған жүрекжарды пікірін білдірді. 

Дөңгелек үстел соңында күй мәселелері жөнінде қозғалған ойлар мен ұсыныстардың негізінде қорытынды жасалды. 

07. 06. 2016

Қазақстанның Халық артисі, күй анасы Дина Нұрпейісова мен күйші-композитор Сейтек Оразалыұлының 155 жылдығына арналған «Ұлттық ұлық өнер» лекция концертінің ақпараты

Қадыр Мырза Әлі атындағы мәдениет және өнер орталығының концерт залында Қазақстанның Халық артисі, күй анасы Дина Нұрпейісова мен күйші-композитор Сейтек Оразалыұлының 155 жылдығына арналған «Ұлттық ұлық өнер» лекция концерті болып өтті. 

Лекция концертке Қазақ Ұлттық Өнер университетінің профессоры, ҚР еңбек сіңірген қайраткері, күйші Айтжан Тоқтаған, Құрманғазы атындағы Мемлекеттік халық аспаптар оркестрінің директоры, күйші Нұрғиса Дәуешов, ҚР еңбек сіңірген қайраткері, Қазақ Ұлттық Өнер университетінің профессоры, күйші Дүйсен Орынбай және өңірімізге танымал күйшілер, мәдениет қызметкерлері, «Күй құдіреті» республикалық байқау үміткерлері қатысты. 

Құрманғазы атындағы саз колледжінің директоры, күйші Нұржан Сертеков кешті бастап, сахна төріне аталмыш шараға қазылық етуге арнайы келген ҚР еңбек сіңірген қайраткері, жерлесіміз, профессор, күйші Айтжан Тоқтағанды шақырды. 

Бүгін таңда күй өнерін зерттеп, бірнеше күйді күйтабаққа енгізіп, қазыналы өнерді насихаттап жүрген күйшімен бірге қызы Айтолқын Айтжанқызы да өнердің өрістеуіне өз үлесін қосуда. Лекция-концерт барысында ҚР еңбек сіңірген қайраткері, күйші Айтжан Тоқтаған әрбір күйдің шығу тарихына тоқталып, көпшілікке таныстырып отырды. 

Махамбеттің «Қилы қырғыны» күйін бастап тартқан Айтолқын Айтжанқызы онға жуық күйді шебер орындап, халықтың ыстық ықыласына бөленді. 

Көпшілік көрерменді күй күмбіріне бөлеген лекция- концерттің соңы үміткерлердің жеребе алу рәсіміне жалғасты.

07.06 .2016

Қазақстанның Халық артисі, күй анасы Дина Нұрпейісова мен күйші-композитор Сейтек Оразалыұлының 155 жылдық мерейтойларына арналған «Күй құдіреті» мәдени шарасы мен мерекелік концерті өтті.

Облыстық халық шығармашылығы орталығының ұйымдастыруымен Жастар мәдениет үйінде Қазақстанның Халық артисі, күй анасы Дина Нұрпейісова мен күйші-композитор Сейтек Оразалыұлының 155 жылдығына арналған «Күй құдіреті» мәдени шарасы өтті. 

 Мерекелік кешті Батыс Қазақстан облысының мәдениет, архивтер және құжаттама басқармасының басшысы Құсайынов Дәулеткерей Атауұлы құттықтау сөз сөйледі.

Концерт шымылдығы Дәулеткерей атындағы қазақ ұлт аспаптары оркестрінің орындауында Құрманғазының «Серпер» шығармасымен /бас дирижері Мемлекеттік «Дарын» жастар сыйлығының иегері Еркін Нұрымбетов/ ашылды.

 «Күй құдіреті» республикалық домбырашылар байқауына төрелік ететін қазылар алқасымен таныстырылып, домбырашыларға естелік сыйлықтар табыс етілді.

Шара концерттік бағдарламаға ұласты. Бағдарламада Б.Жұманиязовтың «Махамбет» операсынан «Махамбеттің үндеуі» оркестрдің сүйемелдеуімен, жеке дауыста Қанатқали Қожақов, Дәулеткерей атындағы қазақ ұлт-аспаптары оркестрі Динаның «16 жыл», Сейтектің«Заман-ай»күйлерін /Қазақстанның еңбек сіңірген қайраткері, Ғ.Құрманғалиев атындағы облыстық филармонияның Дәулеткерей атындағы ұлт аспаптар оркестрінің дирижері Қырымгерей Қажымов/, Д.Қажымовтың «Ақжайық өңірі» әнін жеке дауыста ҚР еңбек сіңірген артисі Жұмағаным Рахимова орындады. А.Казиев, А.Бектасов, А. Бердіғалиевтер күй тартыс, айтыскер ақын А.Бисенғалиев арнау арнады.

 Ән шеруімен термешілер: А.Исламғалиев, А.Кемалханова, А.Сисенов көрерменді бір серпілтсе, А.Нұржанқызы Динаның «8 март», «Оралым» фольклорлық ансамблі Құрманғазының «Төремұрат» күйін /солист Ж.Нұрымбетова/, Дина «Науысқы» /жет.Е.Нұрымбетов/ күйлерін тарту етті. 

Мерекелік концерт халықтық «Ақжайық» би ансамблінің /жет. Ә.Давлетова/ «Нұршашу» биімен аяқталды. 

 

Байқаудың қазылар алқасынның мүшелері

Аты жөні, тегі

Лауазымы

1

Қажымов

Қырымгерей Қажымұлы

Қазақстанның еңбек сіңірген қайраткері, Ғ.Құрманғалиев атындағы облыстық филармонияның Дәулеткерей атындағы ұлт аспаптар оркестрінің дирижері

/қазылар төрағасы/

2

Айтжан Тоқтаған Есенұлы

 

ҚР еңбек сіңірген қайраткері,

Қазақ Ұлттық Өнер университетінің профессоры, күйші

3

Дәуешов Нұрғиса Мұратұлы

Құрманғазы атындағы Мемлекеттік халық аспаптар оркестрінің директоры, күйші, республикалық, халықаралық домбырашылар байқауларының лауреаты

4

Дүйсен Орынбай Кәріғұлұлы

ҚР  еңбек сіңірген қайраткері, Қазақ Ұлттық Өнер университетінің профессоры, күйші

5

Қазиев Ермек Еселұлы

 

 

ҚР еңбек сіңірген мәдениет қызметкері, «Парасат» орденінің иегері, күйші, Ғ.Құрманғалиев атындағы облыстық филармония артисі

6

Сертеков Нұржан Орынғалиұлы

Құрманғазы атындағы саз колледжінің директоры, күйші

7

Нұрымбетов Еркін Шаяхметұлы

«Дарын» Мемлекеттік жастар сыйлығының иегері, Дәулеткерей атындағы ұлт аспаптар оркестрінің көркемдік жетекшісі және бас дирижері, күйші-композитор

07. 06. 2016

Қадыр Мырза Әлі атындағы мәдениет пен өнер орталығында күйші - композиторлар Дина Нұрпейісова мен Сейтек Оразалыұлының 155 жылдығына орай республикалық күйшілер байқауының шарасы аясында Ж.Молдағалиев атындағы облыстық әмбебап ғылыми кітапхананың ұйымдастыруымен күйшілердің шығармашылығына арналған «Күй - қазақтың қанаты» атты кең көлемді кітап көрмесі жасақталып, күйші-домбырашы, фольклортанушы, ұстаз, ҚР еңбек сіңірген өнер қайраткері Айтжан Есенұлы Тоқтағанның шығармашылығына арналған «Ұлттық ұлық өнер» тақырыбындағы сазды сағат өткізілді.

 Қадыр Мырза Әлі атындағы мәдениет пен өнер орталығында күйші - композиторлар Дина Нұрпейісова мен Сейтек Оразалыұлының 155 жылдығына орай республикалық күйшілер байқауының шарасы аясында Ж.Молдағалиев атындағы облыстық әмбебап ғылыми кітапхананың ұйымдастыруымен күйшілердің шығармашылығына арналған «Күй - қазақтың қанаты» атты кең көлемді кітап көрмесі жасақталып, күйші-домбырашы, фольклортанушы, ұстаз, ҚР еңбек сіңірген өнер қайраткері Айтжан Есенұлы Тоқтағанның шығармашылығына арналған «Ұлттық ұлық өнер» тақырыбындағы сазды сағат өтті.

 Күйші-домбырашы, фольклортанушы, ұстаз. ҚР еңбек сіңірген өнер қайраткері Айтжан Тоқтаған ағамыз 1946 жылы Жәнібек ауданында дүниеге келген. Құрманғазы атындағы ұлттық консерваториясының халық аспаптары факультетін бітірген. Консерваторияны тәмамдағаннан кейін сонда көп жыл халық аспаптары бөлімінде ұстаздық еткен, қазір Астанадағы Қазақ ұлттық академиясында дәріс береді. Шебер домбырашы «Күй-Тәңірдің күбірі», «Күй керуен», «Атыраудың 60 ақжелеңі», «Күй қастерлі әуез», «Құрманғазы», «Тәттімбет және Арқа күйлері», «Қаратау шертпесі» сияқты еңбектердің авторы. 

 Сазды сағат шарасы барысында Айтжан Тоқтаған көптеген еңбектердің авторы ретінде күйшілер туралы кітап шығару және күйшілер мектебі, Дина мен Сейтектің күйлерінің тарихы, зерттелуі мен орындалуы туралы әңгімелеп, күйші, республикалық конкурстардың лауреаты, әке-шешесінің жолын қуған домбырашы қызы Айтолқын Айтжанқызы күмбірлетіп күйлерді орындады. Сазды сағат шарасын Құрманғазы атындағы Орал саз колледжінің директоры Нұржан Сертеков жүргізді. Сонымен бірге шараға ҚР еңбек сіңірген қайраткері, Қазақ Ұлттық Өнер университетінің профессоры Дүйсен Орынбай және Қазақстанның басқа аймақтарынан ат артып келген байқауға қатысушы үміткерлер, зиялы қауым өкілдері, қала қонақтары мен тұрғындары, жоғары және арнаулы оқу орындарының оқытушылары, музыка мектептерінің мұғалімдері, мәдениет саласының қызметкерлері қатысты. 

6 маусым 2016 жыл

Орыс халқының ұлы ақыны А.С.Пушкиннің туылған күніне орай мектеп оқушылары арасында ақынның шығармаларына арналған қалалық және облыстық мәнерлеп оқу байқауы

 Облыстық балалар және жасөспірімдер кітапханасы Орал қаласындағы РФ Бас елшілігімен және «Старый Уральск» қоғамдық мәдени-ағарту қорымен ақын А.С.Пушкиннің шығармашылығына арналған мәнерлеп оқу байқауын ұйымдастырды.

 А.С.Пушкиннің туған күнін мерекелеу аясында мәдени іс-шаралар циклі ұйымдастырылды:

 - ақынның ескерткіші алдында сағат 11-00-де өлеңдері оқылып, гүл шоқтары қойылды және А.С.Пушкин мұражайына және ақынның Орал қаласында болған тарихи жерлеріне саяхат жасалынды.Бұл шаралар байқаудан тыс уақыттарда оздырылды.

 Байқаудың ережесі бойынша қатысушылар арасында А.С.Пушкин шығармаларын мәнерлеп оқу сайысы және өзінің төл шығармасын арнау керек болатын. Байқауға облысқа қарасты Даринск, Макарово, Трекино елді мекендерінен және қалалық, мектеп, лицей мен гимназиялардың оқушыларының 85-і қатынасып, 60 оқушы іріктеу турынан өтті. Байқауды Х.Есенжанов атындағы кітапхана директоры З.Б.Өтешева, «Старый Уральск» мәдени ағарту қоғамдық қорының директоры Г.Л.Мухин, А.С.Пушкин мұражайының меңгерушісі Л.Т.Сихова және ф.ғ.кандидаты, доцент О.В.Опря әділ саралады. Жыр сайысы Ғ.Құрманғалиев атындағы облыстық филармонияның кіші залында өтті.

Байқау бағдарламасына қатынасуға А.Островский атындағы драма театр әртістері, Ғ.Құрманғалиев атындағы облыстық филармония әншілері, М.Өтемісұлы атындағы филология факультетінің студенттері, жерлес жазушы-өлкетанушылар және жас ақындар мен музыканттар шақырылды. Байқаудың қорытындысы бойынша Бас жүлдені НИМ-нің оқушысы-Қуанышева Аяулым иеленсе, І-орынды №21 ЖОМ-тің оқушысы Кузяняткин Егор, ал ІІ-орынды №7 ЖОМ оқушысы – Колузанов Роман және №25 мектеп оқушысы – Жакупова Нигара бөлісті. Байқауда өз қабілеттерімен Дарьян, Макаров ауылдық мектептердің және №12,№8 ,№14,№38 мектептердің оқушылары белсенділік көрсетті. 

Сонымен қатар байқау қатынасушылары «Көркем сөз оқу», «Шынайы оқылған шығарма», «Ақынға арнау», «Махаббат жас талғамайды» номинациялары бойынша және төл шығармаларымен қатысқандар «Төгілсін жаңа жыр» атты номинациямен Х.Есенжанов атындағы кітапхана атынан алғыс хаттармен марапатталды. Барлық қатысушылар ұлы ақынға білдірген оқырмандық құрметі үшін ынталандыру сыйлықтарына ие болды.

Шара барысында еркін микрофонда Орал қаласының жас ақындары Амария Худобандаева, Алексей Егоров, Галина Самойлова және мектеп оқушылары Ажгалиева Айнаш, Қуанышева Аяулым және т.б қатысып, жыр кешінің шырайын келтірді.

06.06.2016

Облыстық мәдениет, архивтер және құжаттама басқармасына қарасты мекеме, кәсіпорындардың кәсіподақ ұйымдарының төрағалары және белсенділерімен кездесу

Облыстық мәдениет, архивтер және құжаттама басқармасының басшысы Дәулеткерей Атауұлы Құсайынов басқармаға бағынысты мекеме, кәсіпорындардың кәсіподақ ұйымдарының төрағалары және белсенділерімен кездесті.

Облыстық мәдениет, архивтер және құжаттама басқармасының басшысы Дәулеткерей Атауұлы Құсайынов және Салалық мәдениет, спорт және ақпарат қызметкерлері кәсіптік одағы мен салалық мәдениет, спорт және ақпарат қызметкерлері кәсіптік одағының БҚО бойынша филиалының төрағасы Айдар Тапашұлы Батырханов кәсіподақ ұйымының жұмыстарын ұйымдастыруда белсенділік танытқаны үшін бір топ мәдениет қызметкерлерін Алғыс хаттарымен марапаттады.

 

03 06 2016

ҚАЗАҚСТАН РЕСПУБЛИКАСЫНЫҢ ГИМНІ ОРЫНДАЛДЫ

Қазақстан Республикасының Мемлекеттік рәміздері күніне орай ағымдағы жылдың 3 маусым күні жергілікті уақыт бойынша сағат: 11:00-де «Қазақстан Республикасының Гимнін орындау» атты облыстық акциясы облыстық мәдениет, архивтер және құжаттама басқармасында және басқармаға қарасты мәдениет мекемелерінде өтті.

Басқарма басшысы Дәулеткерей Атауұлы Құсайынов ұжымды рәміздері күні мерекесімен құттықтады. Ұжым мүшелеріне Ғарифолла Есімнің «ЖҰЛДЫЗДЫ ЖҰМЕКЕН» кітабын сыйға тартты.

Жергілікті уақыт бойынша сағат 11:00-де басқарма ұжымы «Қазақстан Республикасының Гимнін орындау» атты облыстық акцияға қатысып, ҚАЗАҚСТАН РЕСПУБЛИКАСЫНЫҢ ГИМНІН ОРЫНДАДЫ.