Облыстың мәдени өмірі

  • 29-01-0.jpg
  • 30-01-0.jpg
  • 30-01-1.jpg
  • 30-01-2.jpg
  • 2016-12-05-1.JPG
  • 2016-12-05-3.jpg
  • 2016-12-29-002.JPG
  • 2016-12-29-003.JPG
  • 2017-05-26-002.JPG
  • 2017-05-26-003.JPG
  • 2017-05-26-004.JPG
  • 2017-05-26-005.JPG
  • 2017-05-26-006.JPG
  • 2017-05-26-007.JPG
  • 2017-05-26-008.JPG
  • 2017-05-26-009.JPG
  • 2018-01-09-001.JPG
  • 2018-01-09-002.JPG
  • 2018-01-09-003.JPG
  • 2018-01-09-004.JPG

Хамза Есенжанов атындағы облыстық балалар және жасөспірімдер кітапханасында Қазақстан кітаптар апталығы аясында батырымыз Исатай Тайманұлының туғаныны 225 жыл толуына орай «Арыстан туған Исатай»  атты танымдық конференция оздырылды. 

Конференцияда тарих ғылымдарының кандидаты, «Дінтану сараптамасы мониторинг және ақпараттық талдау» бөлімінің басшысы Саялбек Махамбетұлы Ғизатов сөз сөйледі және оқырмандардың сұрақтарына жауап берді.

Қадыр Мырза Әлі атындағы мәдениет және өнер орталығында облыстық халық шығармашылығы орталығының ұйымдастыруымен жас жазба ақындарға арналған «Жүрек сыры» сынақ шеберлігі өтті. Жас ақындардың шығармашылығын кеңейту, шеберліктерін шыңдау, өлең сөздің құдіреті мен қасиетін тануға жетелеу, ой-өрісін дамыту мақсатында облыстық деңгейде өткізілген аталмыш шараға Ақжайық, Бөрлі, Жәнібек, Казталов, Тасқала, Теректі аудандары мен қалалық «Ақберен» жас ақындар мектебінен жас ақындар қатысты.

27.10.2016

Қазақ драма театрында 
«Мәңгілік Елдің  Алтын Адамы» атты фестивалі өз мәресіне жетті.

     Мемлекеттік  Сыйлықтың лауреаты, Халықаралық Алаш және Тәуелсіз «Платиналы Тарлан» сыйлықтарының иегері, ақын-драматург Иран-Ғайыптың   «Мәңгілік елдің Алтын адамы» республикалық театрлар фестивалі салтанатты түрде жабылды. Фестивальдың жабылу салтанатында  БҚО әкімінің орынбасары А.Өтеғұлов қатысып, «Үздік қойылым» номинациясын БҚО қазақ драма театрына  табыс етті. Ақын-драматург Иран-Ғайып 13 номинация «Тәуелсіздікке- Тағзым» және 4 «Мәңгілік Ел» сыйлықтарын өз қолымен табыс етті. Оның ішінде Орал қаласының  әкімшілігі  атынан  дайындалған «Арнайы сыйлық» , «Үздік әйел адам бейнесі», «Үздік ер адам бейнесі»,  «Үздік режиссура» сыйлықтары бар.

26.10.2016

Облыстық мәдениет және өнер орталығының ұйымдастыруымен Қазақстан
Республикасы  Халық ағарту ісінің үздігі, «Ерен еңбегі үшін» медалінің иегері,
Казталов ауданының құрметті азаматы, Халықаралық, Республикалық байқаулардың
лауреаты, сазгер, әнші-термеші Баян Қабиеваның шығармашылық кеші өтті.

     Жалпақталдың тумасы, дара талант Баян Қабиеваның өнерге сіңірген еңбегі көп екені белгілі. Әйгілі Ғарифолладан тәлім алып, үйренгенін кейінгіге үлгі қылудан шаршаған емес. Баян ханымның жүрегінен шыққан әндер кештің шырайы болды. Өңірімізге танымал әншілер тамаша туындыларды шабыттана орындады. Казталовтан арнайы келген, өзі жетекшілік ететін «Шапағат» әжелер ансамблі, «Халықтық жанұялық ансамблі» Баянның баянының сүйемелдеуімен тамаша әндерді орындап, сахнаның сәніне айналды.    

25.10.2016

«Жарқын іспен күллі әлемді таң қылып, Жайнай берсін Елдігіміз мәңгілік!»
Жас оқырмандар форумы

     Хамза Есенжанов атындағы облыстық балалар және жасөспірімдер кітапханасы облыстық білім басқармасымен бірлесіп, Тәуелсіздігіміздің 25 жылдығына арналған қасиеттті кітаптың мәртебесін көтеру мақсатында облыстық, қалалық мектептердің үздік оқырмандары арасында   «Жарқын іспен күллі әлемді таң қылып, Жайнай берсін Елдігіміз мәңгілік» тақырыбында жас оқырмандар форумын өткізді. Форум өлкеміздің  мақтанышы ұлы ақын Қадыр бабамыздың ескерткішіне гүл шоқтарын қоюмен бастау алды.       

21.10.2016


Күй атасы Құрманғазының, күй анасы Динаның композициялық ескерткішінің
ашылу шарасы шеңберінде үш оркестрдің бірігуімен концерт өтті.


     Құрманғазы мен Ж.Молдағалиев көшелерінің қиылысында күй атасы Құрманғазының, күй анасы Динаның композициялық ескерткіші ашылды. Арнайы ескерткіштің ашылу шарасына еліміздің белгілі өнер қайраткерлері Орынбай Дүйсенов, Айтжан Тоқтаған,  Айтқали Жайымов  және Құрманғазы атындағы Қазақ мемлекеттік академиялық оркестрінің директоры жерлесіміз Нұрғиса Дәуешов арнайы  қонақ ретінде қатысты. Ескерткіштің ашылу салтанаты театр актерларының шағын театрландырылған көрінісімен көркемделді.
     Аталмыш  ескерткіштің ашылу шарасына орай облысымызда алғашқы рет қазақ драма театры сахнасында Қазақстан Республикасы Тәуелсіздігінің 25 жылдығына арналған Құрманғазы атындағы қазақ мемлекеттік академиялық, Дина Нұрпейісова атындағы Академиялық қазақ халық аспаптар және Дәулеткерей атындағы қазақ халық аспаптары оркестрлерінің «Күй дүлділдерінің дүбірі» атты концерті өтті.   

22.10.2016


Қазақ драма театрында
«Мәңгілік Елдің  Алтын Адамы» республикалық театрлар фестивалі өтуде.

     Мемлекеттік  Сыйлықтың лауреаты, Халықаралық «Алаш» және Тәуелсіз «Платиналы Тарлан» сыйлықтарының иегері, ақын-драматург Иран-Ғайыптың «Мәңгілік елдің Алтын адамы» республикалық театрлар фестивалі салтанатты түрде ашылды.