Облыстың мәдени өмірі

  • 2016-12-05-1.JPG
  • 2016-12-05-3.jpg
  • 2016-12-29-002.JPG
  • 2016-12-29-003.JPG
  • 2017-05-26-002.JPG
  • 2017-05-26-003.JPG
  • 2017-05-26-004.JPG
  • 2017-05-26-005.JPG
  • 2017-05-26-006.JPG
  • 2017-05-26-007.JPG
  • 2017-05-26-008.JPG
  • 2017-05-26-009.JPG
  • 2018-01-09-001.JPG
  • 2018-01-09-002.JPG
  • 2018-01-09-003.JPG
  • 2018-01-09-004.JPG
  • 2018-01-09-005.JPG
  • 2018-01-09-006.JPG
  • 2018-01-09-007.JPG
  • 2018-01-09-008.JPG

1 наурыз - Алғыс айту күніне
мерекелік шара.


     Алғыс айту күні - ең алдымен, елімізде тыныштық пен үндестік өзара сенімділік пен барлық қазақстандықтарға деген құрметтің орнығуына негіз болған Елбасы Н.Назарбаевтың бейбітшілік пен келісім саясатының салтанатты күні. Осыған орай, Батыс Қазақстан облысының мәдениет, архивтер және құжаттама басқармасының қолдауымен, облыстық халық шығармашылығы орталығының ұйымдастыруымен Сырым Датұлы алаңында 1 наурыз - Алғыс айту күніне мерекелік шара өтті. Мерекелік шара алдымен халықтық «Ақжайық» би ансамблінің  /жетекшісі А.Шайхиева/ «Нұр шашу» биімен ашылса, одан әрі үлгілі «Қызғалдақтар» би ансамблі /жетекшісі Қ.Саматова/, Зеленов ауданының халықтық «Достық-Дружба» вокалдық ансамблі /жетекшісі С.Саяпин/, халықтық «Калинушка» ансамблі /жетекшісі Н.Сажина/, БҚМУ-дың «West KZ» тобы, «Арман» вокалды тобы /жетекшісі И.Бораева, Д.Байзуллина/ және жеке орындаушылар М.Алмағамбетов, А.Қажымова Ж.Валиулиев, ағайынды Шомановтар әннен шашу шашып, қала жұртшылығына көтеріңкі көңіл сыйлады.

«Асқақтай бер, Астанам!»
облыстық мәнерлеп оқу байқауы.


01.03.2018

    Хамза Есенжанов атындағы облыстық балалар және жасөспірімдер кітапханасында Астананың 20 жылдығына арналған 1-4 сынып оқушылары арасында мәнерлеп оқу байқауы өтті. Мәнерлеп оқудың мақсаты - балаларды Отансүйгіштікке тәрбиелеу, қазақ тілінің  мәртебесін көтеру, Астана тақырыбына жыр арнап,  қалам тартқан авторларды құрметтеу.
     Бас қаламыздың қалыптасуы және Еуразияның маңызды даму орталықтарының қатарына қосылуы -  баршамыздың ортақ  мақтанышымыз екенін  Астананың 20 жылдығына арналған байқауға   қала мектептерінен қатысқан 132 оқушыдан  түскен  сұраныстардан көруге болады. Мәнерлеп оқу байқауы жартылай финал және финалдық кезеңмен өтті. Финалдық кезеңге 50 оқушы өтті. Бұл мәнерлеп оқу байқауын отаншыл жас өскіндер  және кітапхана ұжымы ризашылық сезімі мен құрметі ретінде Елбасына арнайды. Балалардың оқу мәнерін Құрманғазы атындағы саз колледжінің қазақ тілі мен әдебиеті пәнінің жоғары санатты  ұстазы -  Каменева Ажар Сыйықызы, Батыс Қазақстан инженерлік технологиялық колледждінің қазақ тілі мен әдебиеті пәнінің І санатты ұстазы - Азғалиева Аманкүл Құттыбайқызы және Хамза Есенжанов атындағы облыстық балалар және жасөспірімдер кітапханасының бөлім басшысы- Хамзина Гүлназ Мұхамбетқызы саралады. Оқу ерекшелегі бойынша  «Бас жүлде» М.Ықсанов атындағы №36 мектеп оқушысы Сүлеймен Диляраға бұйырса, жүлделі  І –орындарды - №47 және №40  мектеп оқушылары Қарменева Ажар мен Ерсайын Саян иеленді. Сонымен қатар қатысушыларға жүлделі ІІ, ІІІ орындар,  номинациялық дипломдар, алғыс хаттар және қосымша сыйлық кітаптар табыс етілді.

«Егіз әуен» атты дуэт кеші өтті.

     Елітіп-егілтетін де, жаныңды жадыратып өмірге ғашық ететін де - сұлу ән! Айлар алмасып, жылдар жылжыса-дағы, уақыттың аласапыран кеңістігіне бағынбайтын жалғыз-ақ ән құдіреті адамзат өміріне сәуле сыйлары анық. Соның бір айғағындай 28 ақпан күні филармонияның концерт залында Ғ.Құрманғалиев атындағы облыстық филармониясының артистері «Егіз әуен» атты дуэт кешін ұсынды. Бұл концертке таңырқай қарағандардың көп болды, себебі бұл кештің бір ерекшелігі – филармония артистерінің дуэт болып  өнер көрсетуі болды.

«Я тоже занимаюсь спортом!»
халықаралық онлайн-кездесу.

27.02.2018


     Хамза Есенжанов атындағы облыстық балалар және жасөспірімдер кітапханасында «Я тоже занимаюсь спортом!»  тақырыбында Белгород қаласының жас спортшылармен онлайн-кездесу өтті.
     Кездесуге Орал қаласының №9 және №16 мектептерінің жас спортшылары қатысты. Сонымен қатар кездесуге Кореяда өткен 23-ші Қысқы Олимпиада ойындарының ашылу салтанатында Қазақстан Республикасының Туын желбіреткен жерлесіміз Абзал Әжіғалиевтің анасы Қайлонова Шолпан Тұрарбекқызы келді. Кездесу барысында оқушылар өздері шұғылданатын спорт түрлері туралы, қол жеткізген жетістіктері мен сүйікті спортшылары жайында  сөз қозғады. Жас өрендер сондай-ақ оқыған кітаптарын атап, олардан алған әсерлерімен де бөлісіп, шетелдік құрбыларына оқуға ұсынды.

Орал қаласында Құсбелгілер арасындағы
«Қансонар-2018» Республикалық  турнир өтті.

     24 ақпан күні Елбасымыз Н.Ә.Назарбаевтың «Болашаққа бағдар: рухани жаңғыру» бағдарламалық мақаласы аясында Орал қаласында бірінші рет Жайық қалашығы аумағында Құсбелгілер арасындағы «Қансонар-2018» Республикалық  турнирі бастау алды. Додалы сайысқа елміздің әр түрлі  аймақтарынан 30-ға жуық құсбелгілер қатысты.  Аталмыш турнирдің ашылу салтанатында  Батыс Қазақстан облысы әкімінің орынбасары Оспанқұлов Ғабидолла Абдоллаұлы, ҚР Ұлттық спорт түрлері қауымдастығының вице-президенті Оспанов Ерлен Әбілханұлы, ұлттық спорт түрлерінен мемлекеттік жаттықтырушы  Сәттібаев Рамазан Ғайноллаұлы қатысты.

Ғ.Құрманғалиев атындағы облыстық филармониясының артистері
№11 облыстық қазақ мектеп-интернатына концерт қойды.

                            

«Ақ Жайық тарихын жырлаған қаламгер»
республикалық онлайн конференция.

23.02.2018 ж. 

     Елбасымыздың «Болашаққа бағдар: рухани жаңғыру» мақаласы аясында қазақ халқының біртуар ұлы Хамза Есенжановты жас оқырмандарға таныту, өнегелі өмірлерін насихаттау арқылы олардың руханият көкжиегін кеңейту, Ақжайық өлкесінің тұтас бір тарихи кезеңі мен тұлғаларын мәңгілікке сомдап кеткен талант иесінің есімін ұрпақтар арасында нсихаттау барысында Хамза Есенжанов атындағы облыстық балалар және жасөспірімдер кітапханасы Алматы қаласындағы Қазақстан Республикасының Ұлттық кітапханасымен On-line режиміндегі республикалық «Ақ Жайық тарихын жырлаған қаламгер» конференциясын ұйымдастырды.
     Конференцияға Хамза Есенжановтың келіні, шығыстанушы, доцент, филология ғылымдарының кандидаты Дина Әнесқызы және  Хамза Есенжановтың немере інісі биология ғылымдарының докторы, академик, профессор Аль-Фараби атындағы Қазақ Мемлекеттік университетінің экология және топырақтану кафедрасының меңгерушісі Айтқожа Биғалиұлы шақырылды.
      Облыстық кітапханадан өлкемізге белгілі тарихшы, Хамзатанушы Батыс Қазақстан Инженерлі-гуманитарлық академиясының аға оқытушысы Сайлау Хамитұлы Сүлейменов, Батыс Қазақстан инженерлік-гуманитарлық университетінің студенттері, №14 мектеп 6-7 сынып оқушылары, кітапханашылар, кітапхана оқырмандары қатысты. Шара барысында екі жақтан да шақырылған қонақтар сөз алып, оқырмандарымыз жазушы Хамза Есенжанов туралы тағылымды естеліктер тыңдап, танымды ой толғап, мағыналы әңгімелерімен бөлісті.