Облыстың мәдени өмірі

  • 2016-12-05-1.JPG
  • 2016-12-05-3.jpg
  • 2016-12-29-002.JPG
  • 2016-12-29-003.JPG
  • 2017-05-26-002.JPG
  • 2017-05-26-003.JPG
  • 2017-05-26-004.JPG
  • 2017-05-26-005.JPG
  • 2017-05-26-006.JPG
  • 2017-05-26-007.JPG
  • 2017-05-26-008.JPG
  • 2017-05-26-009.JPG
  • 2018-01-09-001.JPG
  • 2018-01-09-002.JPG
  • 2018-01-09-003.JPG
  • 2018-01-09-004.JPG
  • 2018-01-09-005.JPG
  • 2018-01-09-006.JPG
  • 2018-01-09-007.JPG
  • 2018-01-09-008.JPG

«Сан қырлы жас талант» дидарласу кеш.

23.02.2018 ж.

     Хамза Есенжанов атындағы облыстық балалар және жасөспірімдер кітапханасының «АҚ ТОРҒАЙ» арт-кеңістігінде «Орал сазы» фольклорлық ансамблінің артисі, жастардың сүйікті орындаушысы  Данияр Рахметжановпен кездесу кеші өтті. Дидарласу кеші қатысушылардың қойған орынды сұрақтарымен, шара қонағының тұщымды жауаптарымен  және  қонақкәде, бейнебаяндар тарихымен тартымды жағдайда өтті. Әсіресе, Данияр Сағадатұлының өзінің сүйіп оқыған кітаптарын (Б.Момышұлы «Ұшқан ұя», Б.Соқпақбаев «Менің атым Қожа» С.Мұратбеков «Жабайы алма»)  сыйға тартуы қатысушыларға  кітап оқуға  деген сүйіспеншілік сезімдерін  арттыра түскені хақ.  

«Жайықтың ақиығы» облыстық акциясы

14.02.2018 ж.

     Биылғы жылы әйгілі «Ақжайық» трилогиясының авторы, Мемлекеттік сыйлықтың лауреаты, есімін біздің кітапхана мақтанышпен иеленіп отырған танымал жазушы Хамза Есенжановтың 110 жылдық мерейтойы қарсаңында кең көлемде көпшілік шаралар өтуде. Кітапханадағы жұмыстардың басты бағыты  ретінде, балалар мен жасөспірімдерді кітап оқуға тарту,  ақын-жазушылардың шығармаларымен барынша тереңірек танысу үшін жүргізілетін жұмыстың белсенді формасы  акция болып табылады. Міне, дәл осындай жазушының мерейтойына арналған «Жайықтың ақиығы» акциясы 14 ақпан күні сағат 11.00-де Батыс Қазақстан облысы бойынша барлық балалар және мектеп кітапханаларында 10 жастан 17 жасқа дейінгі  оқушылардың қатысуымен өткізілді.
    Облыстық акцияның негізгі мақсаты: жазушының өмірі мен шығармашылығын танымал ету, оқушыларды шығармашылық, зерттеу жұмыстарына тарту,  рухани мұраларды, өлкетану әдебиетін дамытуға атсалысу, оқушылардың шығармашылық қабілетін дамыту және оларға қолдау көрсету. Акция шеңберінде облысымыздың барлық көпшілік және мектеп кітапханаларында, соның ішінде М.Горький атындағы ОКЖ барлық филиалдарында, 12 аудан және 60-тан астам ауылдық кітапханаларда, сонымен қатар қала мектептері мен колледждерінде, Хамза Есенжанов атындағы облыстық балалар және жасөспірімдер кітапханасында көпшілік шаралар өтті. Акция қорытындысы бойынша 130 дан астам шара өткізіліп, 2400 оқырман қамтылды. 

"Классика" камералық ансамблінің 20 жылдығына арналған
шығармашылық концерті өтті.

 

     Ағымдағы жылдың 20 ақпан күні Ғ.Құрманғалиев атындағы облыстық филармониясының концерт залында «Классика» камералық ансамблінің 20 жылдығына арналған шығармашылық концерті  өткізілді.
     1998 жылы классикалық музыканы дәріптеу мақсатында құрылған «Классика» камералық ансамбілі бұл кұнде - облыс жұртшылығына қеңінен танымал өнерлі ұжымның бірі.  Ансамбльдің негізін құраған Алматы және Саратов консерваториясының түлектері Владимир Баяндин мен Валерий Пузаткин, Лев Барковский, оралдық музыкант Альбина Мұсақұлова болды. Ансамбльдің алғашқы көркемдік жетекшісі - өңірге танымал музыкант Юрий Савельев болатын.

     2 ақпан күні Орал епархия өкілдері мәдениет, архив және құжаттама басқармасының басшысы Қадырболат Қабдырұлы Мұсағалиевті «В память 100-летия восстановления Патриаршества в Русской Православной Церкви» мерекелік медалімен және грамотасымен марапаттады.

      2018 жылдың 1 ақпанынан бастап Батыс Қазақстан облысының әкімдігі мәдениет, архивтер және құжаттама басқармасының Батыс Қазақстан облыстық мәдениет және өнер орталығы директорының әкімшілік-шаруашылық ісі жөніндегі орынбасары қызметіне тағайындалды.

Сагидоллин Арман Рахметоллаұлы 1988 жылы маусым айының 26 күні БҚО Қаратөбе ауданында дүниеге келген;
Ұлты қазақ;
Қазақстан Республикасының азаматы;
Отбасылы 2 ұл, 1 қызы бар;
Білімі жоғары;

     2018 жылдың 1 ақпанынан бастап Батыс Қазақстан облысының әкімдігі мәдениет, архивтер және құжаттама басқармасының Батыс Қазақстан облыстық мәдениет және өнер орталығы директорының шығармашылық ісі жөніндегі орынбасары лауазымына тағайындалды.   

Тасбулатов Нуржан Кадержанович  - 1973 жылы 5 мамырда Батыс Қазақстан облысы, Казталовка ауданы, Бостандық ауылында дүниеге келді.
Ұлты қазақ;
ҚР азаматы;
Отбасылы жолдасы, 1 ұлы, 2 қызы бар;
Білімі жоғары;

Алматыда Хадиша Бөкееваның тұрған үйіне ескерткіш тақта орнатылды.


     Облыс басшысы А.Көлгіновтың қолдауымен жерлесіміз, КСРО Халық әртісі Хадиша Бөкееваның тұрған үйіне (А.Зенков көшесі, 96) ескерткіш тақта орнатылды. Сол ескерткіш тақта орнату салтанатына облысымыздан БҚО мәдениет, архивтер және құжаттама басқармасының басшысы Қ.Мұсағалиев бастаған делегация барды. Оның құрамында Ақжайықтың ақшағаласы, ақын Ақұштап Бақтыгереева және облыстық қазақ драма театрының әртістері бар.
    Ескерткіш тақтаның ашылу салтанатында КСРО Халық әртісі, Қазақстанның Еңбек Ері Асанәлі Әшімов, Алматы қаласының мәдениет басқармасының басшысы және басқалары сөз алып, Сарыөзеннің жағасында түлеп ұшқан сахнаның хас шебері Хадиша апамыз туралы естеліктер айтты.
     Осындай салтанатты шараның ашылуына мұрындық болған облыс әкіміне алғыстарын жеткізсе, сондай-ақ, туғанына 100 жыл толуына орай туған жерінде атап өткен Батыс Қазақстандықтарға да ыстық сәлемдерін білдірді.