ПРЕСС  РЕЛИЗ

29 ақпан күні сағат 18.30-да облыстық мәдениет және өнер орталығының концерт залындаБатыс Қазақстан облысының мәдениет, архивтер және құжаттама басқармасының қолдауымен, облыстық мәдениет және өнер орталығының ұйымдастыруымен  өтетін Қазақстанның еңбек сіңірген қайраткері, әнші, термеші Қ.Бердіғалиевтың орындауындағы «Айман-Шолпан» жырының баспасөз мәлімдемесі.

Мақсаты:Халқымыздың қазыналы жырларын бүгінгі ұрпаққа кеңінен насихаттау, мың жылдық тарихы бар қазақтың лиро-эпостық жырын дәріптеу, оның тәрбиелік мәнін, ерлік пен батырлыққа, махаббат пен адалдыққа жетелейтін көріністерін жастарға үлгі ету.

Шарада: Қазақстанның еңбек сіңірген қайраткері, әнші, термеші Қ.Бердіғалиев уақыты 2 сағатқа созылатын «Айман-Шолпан» лиро-эпостық жырын үзіліссіз орындайды.

Пресс-релиз

«Аналарды ардақтау асыл дәстүр» тақырыбындағы кітап көрмесі мен «Әйел күннің жылуынан жаралған» атты кездесу кеші

 

Ж.Молдағалиев атындағы облыстық әмбебап ғылыми кітапхананың оқу залында 4 наурыз күні 15.00-де 8-наурыз  Халықаралық әйелдер күні мерекесіне арналған «Аналарды ардақтау асыл дәстүр» тақырыбында жасақталған кең көлемді кітап көрмесі және  Әйел күннің жылуынан жаралған» атты кездесу кеші өтеді.

Кездесу кешінің мақсаты:  қазіргі заманғы қазақстандық  әйелдің Еңбек адамы ретіндегі мәртебесін, ұрпақ сабақтастығын, отбасы дәстүрлерін, отбасының беделін, ұлттық құндылықтарды, ұлтты сақтаудағы қыз балалардың тәрбиесін  кеш кейіпкерлері арқылы насихаттау.

Кешке жалындаған жиырма жасынан бастап ауыл шаруашылығы, комсомол, партия, кеңес органдарында жауапты қызметтерде істеп, бар саналы ғұмырын еліне, халқына арнаған «Халықтар достығы» орденінің иегері, қоғам қайраткері Нарынның нар қызы, аяулы жар, сүйікті әже   Гүлжу Мәжитқызы Мажитова мен Сәкен Сейфуллин атындағы №11 дарынды балаларға арналған мектептің ұстазы, асыл жар, сүйікті ана, ибалы келін, қамқор ене, ардақты әже   Тамара Нәбиқызы Сейтақова қатысып, ұрпақ тәрбиесі, оның ішінде ұрпақты дүниеге әкелетін ана, қыз бала тәрбиесі туралы оқырмандарға әңгімелеп береді деп күтілуде. Кеш барысында Ана туралы өлеңдер оқылып, әндер шырқалады.

Мереке қарсаңында жасақталған кітап көрмесі адамның әдептілігі мен жан дүниесінің сұлулығы ең алдымен балаға ақ сүтін беріп әлпештеп өсірген ана жүрегінің жылуынан бастау алатынын баяндап, Тәуелсіз еліміздің керегесін нығайтып, шаңырағын биік көтеруші - аналар, әйелдер туралы насихаттайды.

Кітап көрмесінің «Әйел-ана-тіршіліктің тірегі» атты 1-ші бөлімінде Әйел-ана отбасы жылуын сақтаушы, қоғамның ертеңі болашақ балаларды тәрбиелеуші екендігі туралы әдебиеттер қойылады., 2-ші бөлім  «Қыздар мықты болмай, қоғам мықты болмайды» деп аталады. Қазіргі заман қыз бала тәрбиесіне ерекше мән беруді қажет етеді. Сондықтан да қыз бала тәрбиесіне байланысты әдебиеттер ұсынылады.  «Ақ Жайықтың ару қыздары»  атты үшінші бөлімде Ақ Жайық өңірінен шыққан белгілі абзал аналарымыз бен ару қыздарымыздың еңбектері, қызметі туралы басылымдар қойылады.

Көрменің мақсаты: Дүниедегі жақсылық атаулының барлығы күннің нұрынан, ананың мейірімінен тарайтынын ұғындыру, ананы қадірлеп сыйлай білуге, мейірімділікке тәрбиелеу.

Көрмеге Аналар-асыл жандар, Ақ Жайықтың асыл арулары, Әйел-әлем кітаптарымен қатар қыз-келіншектерге арналған «Игілік», «Аружан» т.б басылымдар қойылады. Сондай-ақ  «Қоғамдағы нәзік жандар»  тақырыбында   видео-слайд көрсетіледі.

Шараға ардагерлер аналар, зиялы қауым өкілдері,  ақын-жазушылар мен журналистер,  студенттер, оқырмандар қатысады.

Пресс-релиз

Үстіміздегі жылдың  3 наурыз, сағ. 19:00-де облыстық мәдениет және өнер орталығының концерт залындаБатыс Қазақстан облысының мәдениет, архивтер және құжаттама басқармасының қолдауымен, облыстық мәдениет және өнер орталығы мен Қазақстан Жазушылар Одағы БҚО филиалының бірлесіп ұйымдастыруымен  өтетін ақын, ұстаз, ҚР білім беру саласының үздігі, «Ерен еңбегі үшін» медалі, Ы.Алтынсарин белгісінің иегері Дариға Мұштановамен өтетін «Адамның жаны бір жұмбақ...» атты әдеби-сазды кездесу кешінің баспасөз мәлімдемесі

 

Мақсаты:Жерлес ақын өлеңдерін оқырмандарға кеңінен насихаттай отырып, ақындармен өтетін әдеби-сазды кештердің маңызын арттыру. Жас ұрпақ санасына ақын өлеңдері арқылы патриоттық тәрбие беру. Өңіріміздің поэзия өнерін дамытуға үлес қосу.

Шарада: Ақын Д.Мұштанованың өлеңдері оқылып, оның сөзіне жазылған әндер жергілікті әншілердің орындауында шырқалады. Ақынға көрермен тарапынан сұрақтар қойылып, әсерлі әңгімелер айтылады.

Шақырулы қонақтарБатыс Қазақстан облысының мәдениет, архивтер және құжаттама басқармасының басшысы Д.Құсайынов, Халықаралық «Алаш» әдеби сыйлығының иегері А.Бақтыгереева, ақын, Қазақстан Жазушылар Одағының мүшесі А.Нәріков, ардагер журналист Т.Әлипқалиев, Б.Қуатов, Ж.Ақбай, ел азаматы М.Берген, М.Төреғалиев, Б.Жексенғалиев,  ақын Ш.Қыдырниязова, Ү.Елубайқызы, С.Бисенғалиев, Т.Таймасұлы, Ғ.Сейтақ, Б.Ғұбайдуллин, Ұ.Сариева, М.Шүйіншалиева, т.б. мектеп оқушылары мен оқу орны студенттері және жыр сүйер көрермендер қатысады.