Дирижер Д.Марьевтің басқаруымен Батыс Қазақстан облысы әкімінің эстрадалық-симфониялық оркестрінің сүйемелдеуімен Ирина Левинаның «LA CHANSON FRANÇAISE»  атты концерттік бағдарламасының

БАСПАСӨЗ МӘЛІМДЕМЕСІ

76

2019 жылдың 21 мамыр күні «Нұр Отан» залында дирижер Денис Марьевтің басқаруымен (РФ, Саратов қ.) Батыс Қазақстан облысы әкімінің эстрадалық-симфониялық оркестрінің сүйемелдеуімен өтетін халықаралық және бүкілресейлік байқаулардың лауреаты, әнші Ирина Левинаның (РФ, Саратов қ.)  «LA CHANSON FRANÇAISE» атты концерттік  бағдарламасы ұйымдастырылады.

Шараның мақсаты: көршілес ресейлік аймақтармен мәдени-гуманитарлық байланыстарды нығайту, шығармашылық зиялы қауымын қолдау, Батыс Қазақстан облысы әкімінің эстрадалық-симфониялық оркестрінің қызметін насихаттау және кәсіби біліктілігін арттыру, «Жастар жылы» шеңберінде жас ұрпаққа музыкалық-эстетикалық тәрбие берудің үлгісін көрсету.

Өтетін орны: «Нұр Отан» залы

Өтетін уақыты: 21 желтоқсан 2019 жыл, сағат 19.00-да

Байланыс үшін: 237039, 8 705 821 55 66

Билеттер Х.Бөкеева атындағы облыстық қазақ драма театрының кассасында сатылады. Билет бағасы – 2000 теңге.

Пресс-релиз

Тұңғыш Президентіміз – Елбасы

Н.Ә.Назарбаевтың «ЖАСТАР жылы» бағдарламасы аясында

«Astana Musical» театрының Х.Бөкеева атындағы  облыстық қазақ драма театрындағы гастролі. 29-30 сәуір 2019ж

Ағымдағы жылдың 29 сәуір  күні сағат 19.00- де   Ғ.Мүсіреповтың «Қыз Жібек» этно-фольклорлық мюзиклі және 30 сәуір сағат 19.00 М.Мақатаевтың «Ғашық жүрек» поэтикалық музыкалық қойылымдарын ұсынады.

Қойылымның режиссерлері- А.Гумаров, А.Маемиров

Қойылым туралы қысқаша дерек:

«Қыз Жібек»

Қазақ халқының ең көне мұраларының бірі болып саналатын «Қыз Жібек» лиро эпостық дастаны-аңыз емес, тарихи оқиға, кейіпкерлері өмірде болған адамдар. Жырдың негізгі кейіпкерлері Төлеген мен Жібек бірін-бірі шын сүйген ғашықтар болғанымен, әке батасынан аттап кеткен Төлегеннің өлімі мен Жібектің қайғылы тағдыры талай жанарға жас үйірілтпей қоймайды.

Жібек бейнесі- сұлулық пен әсемдіктің нышаны, рухани ескерткіш.

«Ғашық жүрек»

Ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасап, ақынның өлеңдері мен өрнектелген қойылым көрермен қауымға рухани әсер сыйлап, жас буынды әсемдікке, елжандылыққа тәрбиелейтін тың дүние.

77

23 04 19 news 1

77

Биылғы жылды Тұңғыш Президентіміз - Елбасы Н.Ә.Назарбаев «Жастар» жылы деп жариялады. Қазақстан Республикасы Мәдениет және спорт министрлігінің «Қазақконцерт» мемлекеттік концерттік ұйымына қарасты ұлтымыздың төл мәдениетін көтеріп, рухын асқақтатып, өнерін өркендетуге қосқан сүбелі үлесі бар жас театрлардың бірі «Astana Musical» Мемлекеттік театрының шығармашылық құрамының жүз пайызы  жастардан құралған.

Құрылғанына үш жыл болған жас театр осы күнге дейін  «Қыз Жібек» мюзиклімен Берлин (Германия) –– Париж (Франция) – Вена (Австрия) -Брюссель (Бельгия) - Мәскеу (Ресей)  бес мемлекетке «Болашаққа бағдар: рухани жаңғыру» бағдарламасы аясында үлкен гастрольдік турне жасады.Қазақстанның көптеген облыстарында гастрольдік сапарларда да  болып, өнерсүйер қауымның ықыласына бөленді.

Жастар жылы аясында «Astana Musical» Мемлекеттік театрының Орал, Ақтөбе, Қызылорда қалаларында кезекті гастролі өтпекші. Қала тұрғындары театр репертуарындағы үш қойылымды тамашалай алады:  Ғ.Мүсірепов «Қыз Жібек» (этно-фольклорлық мюзиклі), М.Мақатаев «Ғашық жүрек» (поэтикалық-музыкалық қойылым),  М.Омарова «Шәмші» (мюзикл).

Үш қойылымның өн бойына Ұлы даланың ұлттық құндылықтары мен еліміздің рухани кеңістігіндегі көрнекті тұлғалардың біртуар бейнелері арқау болған.Театрдың жас та болса халыққа кеңінен танымал актерлары қатысатын қойылымдардың барлығы да көрермендерге, жас ұрпаққа берер тағылымы мол болғандықтан еліміздегі барлық бұқаралық ақпарат құралдары өкілдерін қатысып, кеңінен насихаттап тамашалауға шақырамыз!

ПРЕСС-РЕЛИЗ

82

Үстіміздегі жылдың 4 сәуір күні, сағат 17.00-де Қадыр Мырзалиев атындағы облыстық мәдениет және өне орталығында «Жастар жылы» аясында халықаралық деңгейдегі жарыстарда облысымыздың намысын қорғап жүрген шорт-трек шеберлерімен «Көк мұздан көтерілген көк Ту» атты кездесу кеші өтеді.

ПРЕСС-РЕЛИЗ

83 

Батыс Қазақстан облысының әкімдігі, облыстық мәдениет басқармасының қолдауымен, Ғ.Құрманғалиев атындағы облыстық филармонияның ұйымдастыруымен ү.ж. 10-12 сәуір күндері құдіретті музыка  әлеміне сүбелі үлес қосқан, Қазақстан композиторлар Одағының мүшесі, әнші-композитор Әшір Молдағайыновтың шығармаларын орындаушылар арасындағы республикалық вокалистер конкурсы өтеді.

Конкурстың мақсаттары мен міндеттері: Қазақстан Композиторлар одағының мүшесі, әнші-композитор Әшір Молдағайыновтың ән мұрасын насихаттап, ұрпақтан - ұрпаққа жеткізу, талантты жастар арасынан жаңа есімдерді таныту, шығармашыл тұлғалардың қалыптасуына ықпал ету.