Пресс-релиз

2019 жылы  27 наурыз күні сағат 17.00-да Хадиша Бөкеева атындағы Батыс Қазақстан облыстық қазақ драма театрында Халықаралық театрлар күніне арналған салтанатты жиын  өтеді. Мерекелік бағдарлама және марапаттау рәсімі болады.Салтанатты кешке мәдени мекемелердің басшылары  қатысады.

Пресс-релиз

 88

Ү.ж. 18 наурыз күні сағат 18.30-да А.Н.Островский атындағы драма театрында ҚР еңбек сіңірген қайраткері, композитор Ермұрат Үсеновтың «Бабалар аманаты» атты концерті өтеді.

 Байланыс телефондары: 87112515510, 87754132231

ПРЕСС-РЕЛИЗ

 90

5 наурыз, 2019ж.                                                                           Орал қаласы

 

2019 жылы 5 наурыз сағат 10.00-де Батыс Қазақстан облысы әкімдігі мәдениет басқармасының қолдауымен, Қадыр Мырзалиев атындағы облыстық мәдениет және өнер орталығының ұйымдастыруымен «НҰР ОТАН» залында «Рухани жаңғыру» бағдарламасы мен Елбасының «Ұлы даланың жеті қыры» атты мақаласы, «Жастар жылы» аясында «Азаттықтың ақ таңы» атты республикалық ақындар айтысы өтеді.

Пресс релизі

92

2019 жылы 28 ақпан күні Хамза Есенжанов атындағы облыстық балалар және жасөспірімдер кітапханасы Елбасымыздың «Ұлы даланың жеті қыры» мақаласына орай қазақ халқының дәстүрлі салт-санасындағы ұрпақтан-ұрпаққа жеткен «жеті ата» тегінің таратылу шежіресін тану мақсатында  «Ұлттық сана – ұрпақ еншісі» этнопанорамасын ұйымдастырады

ПРЕСС РЕЛИЗ

93

Үстіміздегі жылдың 28 ақпан күні, сағат 16.00-де Қадыр Мырзалиев атындағы облыстық мәдениет және өнер орталығының концерт залында Батыс Қазақстан облыстық мәдениет басқармасының қолдауымен «Елеулі есімдер» жобасы аясында «Шапағат»медалінің иегері,«Мүмкіндігі шектеулі жандарды кәсіби демеу» әлеуметтік жобасының авторы, «Ғибадат» ЖШС-нің директоры Біржан Қожақовпен өтетін «Шын шебер» атты кездесу кеші өтеді.

ПРЕСС-РЕЛИЗ

 91

27 ақпан 2019 жылы, сағат 10.00-да Хамза Есенжанов атындағы облыстық балалар және жасөспірімдер кітапханасы поэзия әлемінің биік шыңдарын өз еркіне бағындырған Атыраудың ару ақыны  Қазақ ССР Жоғарғы Кеңесінің Құрмет грамоталары мен «Құрмет белгісі», «Парасат» ордендерінің иегері, «Мәдени ағарту ісіне еңбегі сіңген қызметкері», Қазақстан Парламенті Мәжілісінің депутаты халық жазушысы, ақын   Фариза Оңғарсынованың  80 жылдығына арналған «Лирика әлемінің ханшайымы» атты   мектеп оқушылары арасында облыстық мәнерлеп оқу байқауын  өткізеді.

Мақсаты - өскелең ұрпақты поэзия арқылы отанды сүюге, отбасы құндылықтарын, асыл қасиеттерді бойға сіңіре білуге тәрбиелеу. Ақынның шығармашылығы бойынша «Фариза  биік сезімнің ақыны» тақырыбында кітап көрмесі ұйымдастырылады. Байқау 2 кезеңмен жартылай финалдан іріктелгеннен кейін финалдық кезеңге  өтеді. Мәнерлеп оқу байқауының қатысушылары - Орал қаласындағы облыстық мектептер және қалалық мектептер. Байқаудың талап, ережелері  бойынша  5 сынып оқушылары ақынның «Алғашқы сабақ» кітабынан, 10 сынып - «Таңдамалы өлеңдер жинағынан» және «Дауа» кітаптарынан шығармаларды өз таңдауымен  жатқа мәнерлеп айтуы тиіс.

Мәнерлеп оқу байқауын танымал ақын А.Нәріков (төраға), БҚ технологиялық  колледжінің  қазақ тілі мен әдебиеті пәнінің  ұстазы Ә.М.Мұқатаева және Х.Есенжанов атындағы кітапханасының бөлім басшысы Г.М.Хамзина. 

ПРЕСС РЕЛИЗ

 95

Үстіміздегі жылдың 21 ақпан күні, сағат 16.00-де Қадыр Мырзалиев атындағы облыстық мәдениет және өнер орталығының концерт залында Батыс Қазақстан облыстық мәдениет басқармасының қолдауымен белгілі өнер иесі, әнші, термеші Ұзақбай Сұлтанғалиевты еске алуға арналған «Торатбастың тортөбелі» атты ән-жыр кеші өтеді.

Мақсаты: дәстүрлі әнші, термеші  Ұзақбай Сұлтанғалиевтың қазақ әніне сіңірген еңбегін дәріптеп, есімін ұрпаққа ұлықтау; көпшілікке дәстүрлі өнерді насихаттау.

Шарада:   үзеңгілес жолдастары, өнердегі ағалары әнші туралы естеліктерден сыр шертеді. Кеш барысында әншінің репертуарындағы әндер шырқалады.

Шақырулы қонақтар: Батыс Қазақстан облысының мәдениет басқармасының басшысы Қ.Мұсағалиев, елімізге танымал дәстүрлі әншілер С.Рақметжанов, С.Таудаева, З.Аманғалиева, С.Абдрахманов, К.Қуанышқалиева, А.Исламғалиев, зиялы қауым өкілдері, оқу орны студенттері, қала тұрғындары мен қонақтары.