ПРЕСС-РЕЛИЗ

Батыс Қазақстан облысының әкімдігі, облыстық мәдениет, архивтер және құжаттама басқармасының қолдауымен, Ғ.Құрманғалиев атындағы облыстық филармонияның ұйымдастыруымен ү.ж. 12-13 сәуір күндері облыстық филармониясының концерт залында құдіретті музыка  әлеміне сүбелі үлес қосқан, Қазақстан композиторлар Одағының мүшесі, әнші-композитор Әшір Молдағайыновтың шығармаларын орындаушылар арасындағы республикалық вокалистер конкурсы өтеді.

Конкурстың мақсаттары мен міндеттері: Қазақстан композиторлар Одағының мүшесі, әнші-композитор Әшір Молдағайыновтың ән мұрасын насихаттап, ұрпақтан - ұрпаққа жеткізу, талантты жастар арасынан жаңа есімдерді таныту, шығармашыл тұлғалардың қалыптасуына ықпал ету.

12 сәуір күні конкурстың ашылуы және I туры  сағат 10.00-де, II туры сағат 15.00-де  облыстық филармонияның концерт залында өтеді.

13 сәуір күні сағат 18.00-де конкурстың гала-концерті А.Н.Островский атындағы орыс драма театрында өтеді.

Пресс-Релиз

 

Ү.ж. 11 сәуір күні сағат 18.00-де облыстық филармонияның концерт залында Қазақстан Республикасының еңбек сіңірген қайраткері, Мемлекеттік «Дарын» сыйлығының иегері, профессор Азамат Желтыргузовтың жеке концерті өтеді.

 

Бағдарламада халық әндері мен танымал ариялар мен романстар орындалатын болады. Концермейстері Қазақ Ұлттық өнер университетінің  оқытушысы Анар Қажимова.

Пресс-релиз
«Гамлет»
(трагедия)


     Ағымдағы жылдың 1 сәуір сағат 18.00 және 2 сәуір күні сағат  17.00 - де Батыс Қазақстан облыстық қазақ драма театры  У.Шекспирдің «Гамлет» қойылымының  премьерасын ұсынады.
     Ұзақтығы –1 сағат  40 минут.
     Қойылымның режиссері – Жігер Мурзалиев
     Қоюшы суретшісі – Қайыр Оразғалиев /Мәдениет саласының үздігі/   
     Қысқаша мәтін:

     Дания патшасы о дүниелік болып, оның тағына туған бауыры Клавдий отырады. Марқұм король ұлы Гамлетке өз ажалынан емес, інісі Клавдийдің қастандығынан өлгені туралы аян береді. Қалайда кек қайтаруды ойлаған Гамлет неше түрлі күйге түсіп, сансыз сұрақ пен сынаққа кез келеді.
     Әр театрдың, әр режиссердің өз Гамлеті бар. Ғасырлар бойы жүріп келе жатқан бұл қойылым тұғырынан түскен емес және түспек емес. «Болу керек пе, әлде бордай тозу керек пе?». Міне, қайда мәселе! ...


ПРЕСС-РЕЛИЗ


     Батыс Қазақстан облысы әкімдігі, Батыс Қазақстан облыстық мәдениет, архивтер және құжаттама басқармасының қолдауымен, Ғ.Құрманғалиев атындағы облыстық филармонияның ұйымдастыруымен ү.ж. 12-13 сәуір күндері облыстық филармонияның концерт залында құдіретті музыка  әлеміне сүбелі үлес қосқан, Қазақстан композиторлар Одағының мүшесі, әнші-композитор Әшір Молдағайыновтың шығармаларын орындаушылар арасындағы республикалық вокалистер конкурсы өтеді.
     Конкурстың мақсаттары мен міндеттері: Қазақстан композиторлар Одағының мүшесі, әнші-композитор Әшір Молдағайыновтың ән мұрасын насихаттап, ұрпақтан - ұрпаққа жеткізу, талантты жастар арасынан жаңа есімдерді таныту, шығармашыл тұлғалардың қалыптасуына ықпал ету.

ПРЕСС - РЕЛИЗ

     Үстіміздегі жылдың  24 наурыз күні сағат 16.00-де облыстық мәдениет және өнер орталығының концерт залында Батыс Қазақстан облысының мәдениет, архивтер және құжаттама басқармасының қолдауымен «Жайықтың жадындағы жақсы адам» атты Қазақстан Жазушылар одағының мүшесі, белгілі қаламгер Қайыр Бектұрғановтың шығармашылығына арналған  еске алу кеші   өтеді.
     Мақсаты: Еліне адал қызмет еткен ұстаз, жазушыны еске алып, есімін ұлықтау; өнегелі өмір жолы мен шығармашылығын насихаттау; ұрпаққа үлгі ету.
     Шарада: жазушының зайыбы Надежда Жұбайқызы, сондай-ақ, үзеңгілес достары естеліктер айтып, оның шығармашылығы жөнінде кеңінен айтылып, жергілікті әншілердің орындауында әндер шырқалады.
     Шақырулы қонақтар: Орал қаласының әкімі Н.Төреғалиев, Батыс Қазақстан облысының мәдениет, архивтер және құжаттама басқармасының басшысы Д.Құсайынов, ғалым Қ.Бозымов, Т.Әбенов, М.Өтемісов атындағы БҚМУ-нің ректоры А.Иманғалиев, Т.Рысқалиев, ақын А.Нәріков, Ғ.Сейтақ, ардагерлер Т.Әліпқали, С.Танабаева Б.Қуатов, Қ.Хасанов, Т.Сұлтанғалиев, Р.Махамбетова, т.б. зиялы қауым өкілдері, қала тұрғындары мен қонақтары.

Пресс-релиз
«Қысқа ғұмыр»
(мұңды комедия)


     Ағымдағы жылдың 24 наурыз сағат 19.00 және 26 наурыз күні сағат  17.00 - де Батыс Қазақстан облыстық қазақ драма театры  Ф.Буляковтың «Қысқа ғұмыр» қойылымының  премьерасын ұсынады.
     Ұзақтығы – 1 сағат 20 минут.
     Қойылымның режиссері – Самал Абуов
     Аударған – Эльмира Мақашева
     Қоюшы суретшісі – Мұрат Мамбетов   
     Қысқаша мәтін:
     Адам өзінің дәм-тұзы таусылуына үш сағат қалғанын білсе не істеуі мүмкін? Ал егер осы үш сағатта қандай да бір сауапты іс қылып үлгерсе ғұмырының ұзаратыны туралы хабар жетсе ше? Қойылымдағы езу тартқызар көріністер мен мұңды сәттер, өткен өмірге сапар шеккізіп, ойға шомдырады. Қамшының сабындай қысқа ғұмырда сыйласып, бірін-бірі қадірлей білгенге не жетсін!

Пресс - релиз

     Үстіміздегі жылдың  17 наурыз күні сағат 18.00-де облыстық мәдениет және өнер орталығының концерт залында Батыс Қазақстан облысының мәдениет, архивтер және құжаттама басқармасының қолдауымен,  дәулескер күйші, белгілі домбыра шебері Едіге Нәбиевтің шығармашылығына арналған күй кеші өтеді.

 

     Мақсаты: Тарихы терең төл өнеріміздің мәртебесін асқақтату, бабадан мирас болған асыл қазынамызды көздің қарашығындай сақтау, күйшілермен кездесе отырып, күйді жас ұрпаққа насихаттау,  белгілі күйші, домбыра жасаушы шебердің өнерін үлгі ету.

      Шарада:  Кеш барысында Едіге Нәбиев күмбірлеген күй шертеді. Ізбасар шәкірттері де күйлер орындап, кештің өтуіне үлес қосады. Кеш иесіне сұрақтар қойылады.

     Шақырулы қонақтар: Батыс Қазақстан облысының мәдениет, архивтер және құжаттама басқармасының басшысы Д.Құсайынов,  ақын А.Қадырбаева,  күйші Ө.Жұмашев, Е.Қазиев, Н.Сертеков,  дирижер Е.Нұрымбетов, әнші С.Таудаева, журналист Қ.Құттымұратұлы, М.Балмолда, Ж.Сафуллин, т.б. зиялы қауым өкілдері, жас күйшілер.