Пресс-релиз
«Қысқа ғұмыр»
(мұңды комедия)


     Ағымдағы жылдың 24 наурыз сағат 19.00 және 26 наурыз күні сағат  17.00 - де Батыс Қазақстан облыстық қазақ драма театры  Ф.Буляковтың «Қысқа ғұмыр» қойылымының  премьерасын ұсынады.
     Ұзақтығы – 1 сағат 20 минут.
     Қойылымның режиссері – Самал Абуов
     Аударған – Эльмира Мақашева
     Қоюшы суретшісі – Мұрат Мамбетов   
     Қысқаша мәтін:
     Адам өзінің дәм-тұзы таусылуына үш сағат қалғанын білсе не істеуі мүмкін? Ал егер осы үш сағатта қандай да бір сауапты іс қылып үлгерсе ғұмырының ұзаратыны туралы хабар жетсе ше? Қойылымдағы езу тартқызар көріністер мен мұңды сәттер, өткен өмірге сапар шеккізіп, ойға шомдырады. Қамшының сабындай қысқа ғұмырда сыйласып, бірін-бірі қадірлей білгенге не жетсін!

Пресс - релиз

     Үстіміздегі жылдың  17 наурыз күні сағат 18.00-де облыстық мәдениет және өнер орталығының концерт залында Батыс Қазақстан облысының мәдениет, архивтер және құжаттама басқармасының қолдауымен,  дәулескер күйші, белгілі домбыра шебері Едіге Нәбиевтің шығармашылығына арналған күй кеші өтеді.

 

     Мақсаты: Тарихы терең төл өнеріміздің мәртебесін асқақтату, бабадан мирас болған асыл қазынамызды көздің қарашығындай сақтау, күйшілермен кездесе отырып, күйді жас ұрпаққа насихаттау,  белгілі күйші, домбыра жасаушы шебердің өнерін үлгі ету.

      Шарада:  Кеш барысында Едіге Нәбиев күмбірлеген күй шертеді. Ізбасар шәкірттері де күйлер орындап, кештің өтуіне үлес қосады. Кеш иесіне сұрақтар қойылады.

     Шақырулы қонақтар: Батыс Қазақстан облысының мәдениет, архивтер және құжаттама басқармасының басшысы Д.Құсайынов,  ақын А.Қадырбаева,  күйші Ө.Жұмашев, Е.Қазиев, Н.Сертеков,  дирижер Е.Нұрымбетов, әнші С.Таудаева, журналист Қ.Құттымұратұлы, М.Балмолда, Ж.Сафуллин, т.б. зиялы қауым өкілдері, жас күйшілер.

 

Пресс-релиз


      Үстіміздегі жылдың 20 наурыз күні сағат 19.00-де «Нұр Отан» залында ҚР еңбек сіңірген мәдениет қызметкері, әнші-композитор Елена Әбдіхалықова мен белгілі әнші Жұбаныш Жексенұлының шығармашылық концерті өтеді.

Орал қаласында қазақтың батыр қыздарына
ескерткіш орнатылады.

     2015 жылы өлкеміздің тарихын, мәдениетін, атаулы күндерін халқымыздың есінде мәңгі қалдыру мақсатында облыс әкімінің тапсырмасы бойынша белгіленген жоспарға сай Қазақтың батыр қыздары - Мәншүк Мәметова, Әлия Молдағұлова және Халық қаһарманы Хиуаз Доспановалар бейнеленген скульптуралық композициясын  Орал қаласында орнату жоспарланған болатын.
    Скульптуралық композицияның авторы мүсінші Нұрлан Далбай, ескерткіш Астана қаласындағы көркем комбинатында қоладан құйылып дайындалуда, биіктігі 3,6 метр. Жобаға бюджеттен 138, 877 млн теңге қаражат  бөлінді.
      Батыр аналарға арналған скульптуралық композицияны  2017 жылдың 9 мамырына ашу жоспарланған.

ПРЕСС - РЕЛИЗ

     Ғ.Құрманғалиев атындағы облыстық филармониясының ұйымдастыруымен үстіміздегі жылдың 8 наурыз күні сағат 17.00-де филармонияның концерт залында  Халықаралық әйелдер күніне арналған мерекелік концерт өтеді.
      Бағдарламада белгілі өнер ұжымдарымен танымал әншілер өнер көрсетеді.

ПРЕСС - РЕЛИЗ

     Үстіміздегі жылдың  23 ақпан күні, сағ. 16.00-де облыстық мәдениет және өнер орталығының концерт залында Батыс Қазақстан облысының мәдениет, архивтер және құжаттама басқармасының қолдауымен, облыстық мәдениет және өнер орталығының ұйымдастыруымен Алаш қозғалысының 100 жылдығына орай Батыс Қазақстан гуманитарлық академиясының ұстаздары, тарихшылар, өнегелі ұстаздар Сайлау, Дәметкен Сүлейменовтермен кездесу кеші өтеді.     
    Мақсаты: Алаш қозғалысының 100 жылдығының аталып өтуіне үлес қосу; Алаш қайраткерлерінің есімін ардақтау; тарихи оқиғаның маңыздылығын арттыру; белгілі алаштанушылардың еңбегін жас ұрпаққа насихаттау.
     Шарада: кеш иелері Сайлау мен Дәметкен Сүлейменоваларға сұрақтар қойылады. Ұстаздардың шәкірт тәрбиелеудегі, сондай-ақ, тарихты зерттеп, зерделеудегі еңбектері жайында кеңінен әңгіме айтылады. Кездесу кешінде әріптестері, елімізге танымал ғалым-ұстаздар сөз сөйлейді. Жергілікті әншілердің орындауында ел мен жер тақырыбындағы әндер шырқалады.
    Шақырулы қонақтар: Батыс Қазақстан облысының мәдениет, архивтер және құжаттама басқармасының басшысы Д.Құсайынов, Батыс Қазақстан облысы ішкі саясат басқармасының басшысы Б.Нарымбетов, Қазақстан Жазушылар одағының мүшесі, ақын А.Нәріков, Ақжайық ауданының әкімі Ә.Жоламанов, Сырым ауданының әкімі А.Шыныбеков, Қаратөбе ауданының әкімі А.Шахаров, Орал қалалық  ішкі саясат бөлімінің басшысы Н.Даумов, филология ғылымдарының докторы, профессор М.Сабыр, «Құрмет» орденінің иегері, Қазақстанның еңбек сіңірген мәдениет қызметкері, күйші Е.Қазиев, композитор, белгілі дирижер Қ.Қажымов, Қазақстан Журналистер одағының мүшесі С.Пұсырман, т.б. зиялы қауым өкілдері, Батыс Қазақстан гуманитарлық академиясының ұстаздары студенттері, БАҚ өкілдері. 

Пресс - релиз

     Үстіміздегі жылдың 24 ақпан күні сағат 18.30-да облыстық филармониясының концерт залында ҚР Мәдениет қайраткері, Білім беру ісінің құрметті қызмерткері, Құрманғазы атындағы Қазақ Ұлттық консерваториясының ұстазы, доцент, күйші-композитор Төлепберген Тоқжановтың «Күй-ғұмыр» атты шығармашылық концерті өтеді.
      Концертте Дәулеткерей атындағы қазақ халық  аспаптары оркестрі, оркестрдің көркемдік жетекшісі және бас дирижеры  - «Құрмет» орденінің иегері, «Дарын» мемлекеттік жастар сыйлығының лауреаты, «Мәдениет саласының үздігі» төс белгісінің иегері Еркін Нұрымбетов, дирижеры Қазақстанның еңбек сіңірген қайраткері Қырымгерей Қажымов, ҚР еңбек сіңірген қайраткері Хатимолла Бердіғалиев, «Құрмет» орденінің иегері Ермек Қазиев,  «Ерен еңбегі үшін» медалінің иегері Дастан Есентеміров және өзгеде әншілер өнер көрсететін болады.